Rơwang bruă pơdŏng tơdrun tum păn rơdêh por Jar kơmar Long Thành hmâo abih bang rơnoh tuh pơplai 22.856 klai prăk. Hăng tơlơi črâo ba khut khăt mơ̆ng Khua dêh čar, tơlơi mut bruă klă mơ̆ng hơdôm ding jum, gơnong bruă, tơring čar, ƀôn prong, hơdôm bôh ƀirô bơdjơ̆ nao hăng tơlơi gơgrong hlâo, khut khăt mơ̆ng Sang bruă tơdrun tum păn rơdêh por Việt Nam, biă ñu lăi pơthâo črâo ba mơ̆ng Khua dêh čar pơsit rơđah “Thun 2024 lĕ thun kơtưn đĭ rơnoh, thun 2025 lĕ thun pơplih phrâo phara”, rơnoh pok pơhai rơwang bruă hmâo lu bôh tơhnal klă.

Khua dêh čar črâo ba bruă bơkơtưn prong 450 hrơi mlăm ƀơi anih pơdŏng pơkra, ngă brơi rơwang bruă giong amăng 31/12/2025. Khua dêh čar rơkâo hơdôm anom bruă man pơdŏng Tơdrun tum păn rơdêh por Jar kơmar Long Thành hăng jơlan đuăi hmar Biên Hòa – Vũng Tàu đĭ rơnoh, pơtrut tañ rơnoh hloh dong pioh ngă pơ ala glăi hơdôm hrơi ngă tui kaih hlâo adih./.