Să Đưng K’nơ̆, tơring glông Lạc Dương, tơring čar Lâm Đồng hmâo rơbêh kơ 90% mrô mơnuih ƀôn sang lĕ djuai ania ƀiă. Hrŏm hăng tơlơi rơkâo đĭ Kơnuk kơna khom ngă giong tañ jơlan nao rai Trường Sơn, jơlan tơring čar 722 găn nao rai anih anom anai pioh pơtrut kơtang tô nao rai jơlan glông, tuh pơplai pơkra anih anom mă yua, biă ñu jơlan  glông hrĕ apui lơtrik 3 ară pơhlôm djru bruă bơwih ƀong huă hăng tơlơi hơdip mơda, pơtrut bơwih ƀong – mơnuih mơnam pơđĭ kyar...

Mơnuih ƀôn sang ƀơi anai biă ñu đing nao bruă wai lăng pơgang glai klô hăng hơdôm hơdră bruă čơkă mă bôh tŭ yua ƀơi anăp mơ̆ng glai pioh pơđĭ dong prăk pơhrui glăi, hơđong tơlơi hơdip mơda. Pơhiăp amăng mông bưp, Khua Grŭp pơphô bruă Ping gah dêh čar ơi Phan Đình Trạc lăi lĕ, tơlơi gum pơhiăp mơ̆ng mơnuih ƀôn sang lĕ djơ̆ biă. Grŭp khua pơ ala Khua pơ ala mơnuih ƀôn sang dêh čar tơring čar Lâm Đồng amra rơkâo hơdôm bôh ƀirô, anom bruă bơdjơ̆ nao pel ĕp, pơsir, hrŏm hăng anun kơsem min dong hơdôm jơlan pơsir pioh pơhlôm jơlan bơwih ƀong kơjăp kơ mơnuih ƀôn sang hơdip hluai tui kơ glai. Tal anai, Grŭp khua pơ ala mơnuih ƀôn sang hmâo ƀơk laih 20 anung gơnam kơ hơdôm bôh sang anô̆ gah hơdră bruă, sang anô̆ ƀun rin, tơnap tap./.