Thun 2024, rơnoh pơhrui glăi gơnam tam amăng tơring čar iâu klah čun GRDP him lăng truh 20.490 klai prăk, pơhrui prăk duh jia hơmâo năng ai 4.425 klai, lêng dưi ngă djơ̆ tơhnal pơkă soh. Hrŏm hăng anun, hơdôm tơhnal pơkă rơđah rơđong biă mă amăng tơlơi bơwih ƀong huă mơnuih mơnam aka ƀu djop tơhnal pơkă ôh, biă mă ñu rơnoh pơhrŏ ƀun rin kơnong dưi ngă abih bang 83% pơkă hăng hră pơtrun mơ̆ng ping gah tơring čar jao.

Ƀơi mông jơnum lok 18, khul khua mua apăn bruă ping gah tơring čar Kon Tum XVI hơmâo pơƀut bruă mă ĕp lăng, krăo lăng tui hăng bơtơhmal tơlơi soh glăi amăng ping gah thun 2024. Tui hăng anun, amăng thun hơmâo djop gưl naom bruă, sem lăng bruă mă gưl tơring čar pơphun ĕp lăng 951 khul bruă amăng ping gah hăng giăm 1.300 čô mơnuih ping gah. Boh tơhnal sem lăng, bơtơhmal 2 khul bruă ping gah hăng 157 čô mơnuih ping gah ngă soh.