Anai lĕ sa amăng hơdôm sang djă pioh gru grua khul ling tơhan prong hloh hăng sui thun hloh ƀơi Việt Nam, hăng bruă mă yôm phăn amăng bruă djă pioh hăng ngă tui nua yôm gru grua khul ling tơhan mơ̆ng djuai ania. Mơ̆ng thun 2020, Ding jum Khul ling tơhan dêh čar hmâo pok pơhai pơdŏng Sang djă pioh gru grua Khul ling tơhan Việt Nam phrâo ƀơi lŏn prong giăm truh 39 ektar ƀơi quận Nam Từ Liêm, Hà Nội; truh ră anai phun ñu ngă giong laih rơwang 1 hăng sit nik pok bah amăng čơkă tuai nao čuă lăng.

Pơhiăp amăng mông mă bruă Khua git gai Ping gah dêh čar ta pơdah pran jua djă pioh kơ anih anom Sang djă pioh gru grua hrŏm hăng lu mơta gơnam, pơdah lu mơta mơ̆ng tơlơi pơjing gah Khul ling tơhan mơnuih ƀôn sang dêh čar Việt Nam sông kơtang. Lăi rơđah, anai jing anih anom yôm pioh hrăm tui, kơsem min nao hrŏm hăng bruă wai lăng lŏn ia sông kơtang mơ̆ng ơi yă ta đưm, biă ñu hơdôm tơlơi črâo ba thâo mơ̆ng Ping gah ta amăng rim rơwang pơđĭ kyar lŏn ia, Khua git gai Ping gah dêh čar ta ăt rơkâo mơn hơdôm Ding jum, gơnong bruă, tơring čar, ƀôn prong hăng ƀôn prong Hà Nội ngă gal brơi dong kơ Ding jum khul ling tơhan tañ ngă giong hơdôm mơta bruă tuh pơplai rơwang 2 mơ̆ng sang djă pioh gru grua./.