VOV4.Jarai – Bruă pơphun “Blan mơ-ĭt prăk pơkrem gum tơngan hrŏm yua kơ mơnuih ƀun rin” ƀơi tơring čar Lâm Đồng hmâo djru pơjing laih ngăn rơnoh tui djơ̆ jai hrơi jai klă hloh tơlơi čan prăk mơ̆ng mơnuih ƀun rin. Tơdơi rơbêh kơ 1 rơwang hrơi tơjuh pơphun jơlan hơdră mơ-ĭt prăk pơkrem gum tơngan hrŏm yua kơ mơnuih ƀun rin, Sang prăk gah hơdră bruă mơnuih mơnam tơring čar Lâm Đồng hmâo čơkă mă 67 klai prăk. Jơlan hơdră glăk hmâo tơlơi lar hyu djop ƀơi Lâm Đồng, ngă pơhưč jai hrơi jai lu mơnuih gum hrŏm.

VOV4.Jarai – Amăng rơwang nao čuă sit nik New Zealand, Khua dêh čar ta Phạm Minh Chính hmâo bơkơtuai laih hăng Khua git gai wai lăng pơ ala mƀs dêh čar New Zealand Gerry Brownlee.

VOV4.Jarai – Mơguah lơ 11/3, Khua Ding jum kông ngăn glai klô hăng rơhuông adai lŏn mơnai dêh čar ta Đặng Quốc Khánh hrŏm hăng grŭp hyu mă bruă hmâo laih mông mă bruă ƀơi tơring čar Gia Lai kơ bôh tơhnal ngă tui bruă wai lăng kơnuk kơna amăng bruă kông ngăn glai klô hăng rơhuông adai lŏn mơnai.

VOV4.Jarai - Jing sa amăng hơdôm boh tơring hơmâo lu mơnuih djuai ƀiă hơdip mơda (hăng rơbêh 63%), 9/11 boh să, tơring kual tơnap kơtang, Ping gah tơring glông Lăk, tơring čar Dak Lăk pơsit bruă pơđĭ kyar mơnuih ping gah amăng kual mơnuih ƀôn sang djuai ƀiă jing bruă kiăng ngă re se, bruă yôm. Rim čô mơnuih ping gah jing pơjeh djuai phun, ba jơlan nao hlâo amăng djŏp bruă bơkơtưn akŏ pơdong anom bruă kơđi čar kjăp kơtang.

VOV4.Jarai- Amăng jơlan hơdră nao čuă sit nik dêh čar New Zealand, mơmŏt lơ 10/3, Khua dêh čar Phạm Minh Chính bưp mơnuih apăn bruă, mơnuih mă bruă amăng sang anih jưh pơ ala dêh čar Việt Nam ƀơi New Zealand.

VOV4.Jarai-Kơčăo bruă đưm đing pơđoh ia pioh bruih kơ hmua kơphê ƀơi plơi Tiến Cường, să Quảng Tiến, tơring glông Čư̆ Mgar, tơring čar Dak Lak dưi tuh pơ alin giăm 73 klai prăk samơ̆ lơ̆m mă yua ring bruă đing ia rô anai pơčah na nao. Sa thun rơgao, Ding jum đang hmua hăng pơđĭ kyar plơi pla hrŏm hăng Jơnum min mơnuih ƀôn sang tơring čar Dak Lak git gai khut khăt, hơdôm bơnah pơdjơ̆ nao hơmâo ming pơkra glăi, pơsir hĭ anih răm, anŏ pơčah. Truh ră anai, ia mơ̆ng bơnư̆ anai pơđoh nao truh pơ đang hmua mơnuih ngă hmua, bơwih brơi anŏ kiăng ječ ameč ia bruih amăng bơyan phang adai không pơđiă kơtang.

VOV4.Jarai-Blah dưi ƀơi Ƀuôn Ma Thuôt lơ 10.03.1975 djă kơđŏm amăng hơdrôm hră gru phun gah ling tơhan dêh čar amăng bruă blah ngă pơgang lŏn ia, hăng boh tŭ yua yôm phara lĕ, pok jơlan blah dưi abih bang amăng kual Dơnung pơklaih rơngai lŏn ia hlong pơlir truh kih. Dơ̆ng mơ̆ng sa boh plơi prong anet, Ƀuôn Ma Thuôt ră anai ƀrư̆ jing plơi prong phrâo prong hloh anăp nao akŏ pơdong plơi prong mơtah mơda-hiam klă-thâo rơgơi-djă pioh gru grua hiam djuai ania laih anun jing ƀôn prong phun tong krah kual Dap Kơdư.

VOV4.Jarai - Tlam tom brơi (lơ 8/3), ƀơi Hà Nội, Grup čih pơkra Tơlơi pơtrun Jơnum ping gah tal 14 yua ơi Nguyễn Xuân Thắng, Ding kơna Ding jum kơđi čar, Khua Sang hră Kơđi čar gưl dêh čar Hồ Chí Minh, Khua khul tơlơi pơtô djơ̆ Ping gah, khua apăn bruă Grup čih pơkra, Khua grup dăp hră čih pơkra hră pơ-ar yôm Jơnum ping gah tal 14 ngă Khua ba jơlan, hơmâo ngă bruă hăng Anom bruă Bơwih ƀong Dêh čar.

VOV4.Jarai - Amăng bruă nao čuă sit nik dêh čar Australia, tlam tom brơi lơ 8/3, (tui mông dêh čar anai), ƀơi Canberra, Khua dêh čar ơi Phạm Minh Chính čơkă khua mua hơdôm Grup bơwih ƀong, anom bơwih ƀong prong hloh mơ̆ng Australia amăng bruă tuh pơ alin, pơkra anih anom, jơlan, sang dŏ; pơkra hơdăng pơtâo čuah; ba hyu gơnam ƀong huă...glăk kiăng ngă hrŏm, tuh pơ alin ƀơi Việt Nam.

VOV4.Jarai-Tlam lơ 8/3, Khua git gai pơ ala mơnuih ƀôn sang dêh čar ơi Vương Đình Huệ tŭ jum khua sang anih jưh pơ ala dêh čar Khač Hùng Ba ƀơi Ƀirô mă bruă kiăng pơčrông sai kơ tơlơi rô nao rai kơplah wah dua Ping gah, dua kơnuk kơna hăng anom bruă čih pơkra tơlơi phiăn dua bơnah.