Amăng mông tŭ jum, ơi Lê Tiến Châu lăi rơđah kơ tơlơi rô nao rai mơ̆ng hlâo, ha pran jua, nao hrŏm hăng sui thun kơplah wah dua bôh dêh čar Việt Nam hăng Lao. Hăng ƀôn prong Hải Phòng, tơlơi gum hrŏm kơplah wah ƀôn prong hăng tơring čar Viêng Chăn hăng tơring čar Oudomxay amăng hơdôm thun rơgao hmâo laih lu bôh tơhnal klă hiam amăng hơdôm bruă pơdŏng ping gah, gong gai, pơtô pơhrăm, bruă ia jrao, tuai čuă ngui, gum hrŏm tuh pơplai, sĭ mơdrô.

Ơi Bounthong Chitmany bơni bruă gum hrŏm, ngă adơi ayong kơplah wah ƀôn prong Hải Phòng hăng tơring čar Viêng Chăn hăng Oudomxay dêh čar Lao; bơni tơlơi gum djru mơ̆ng Hải Phòng amăng bruă pơtô pơhrăm čơđai gưl dlông Lao ƀơi hơdôm bôh sang hră gưl dlông hăng čang rơmang ƀon prong hải Phòng djru pơtô juăt dong mơnuih mă bruă kơjăp kơ dêh čar Lao hăng kơtưn gum hrŏm pơđĭ kyar abih bang kơplah wah dua bơnah./.