Tui gơnong bruă tuh tia pơkra ming hăng sĭ mơdrô tơring čar Lâm Đồng, him lăng mơnuih kiăng blơi yua gơnam amăng rơnuč thun hăng bơyan ƀong tết Ất Tỵ thun 2025 amăng tơring čar đĭ 5% pơhmu hăng thun hlâo. Kiăng kơ pơhlôm djop brơi gơnam yua, ƀing sĭ mơdrô, anih sĭ gơnam tam amăng tơring čar hơmâo djă pioh gơnam tam nua ñu truh rơbêh 1.820 klai prăk, lu hloh lĕ 5 grup gơnam kiăng yua hloh hơmâo mơnong ƀong huă, gơnam ƀong mơtah, gơnam đang hmua hăng ia săng, ia jâu.

Ơi Trần Như Hùng Tấn, Khua sang sĭ mơdrô gơnam pơprong amăng plơi prong Đà Lạt brơi thâo, rơngiao kơ mrô gơnam pioh sĭ blơi yua, hơdôm anih anom sĭ mơdrô ăt pok pơhai jơlan hơdră pơhlôm hơđong nua, čih anăn sĭ gơnam ƀu đĭ nua hăng lu gơnam tam.