Hăng brơi thâo Việt Nam amra tô nao rai, djru pơtrut ngă hrŏm mơng Qatar, UAE, Saudi Arabia hăng kual ASEAN laih dong hơdôm boh dêh čar kual Ngŏ dơnung Asia, Khua dêh čar rơkâo hơdôm boh dêh čar pơtrut ngă hrŏm mơng Việt Nam hăng Khul ngă hrŏm kual Tong wing (GCC); đăo gơnang ƀing khua anih jưh hăng sang anih jưh hơdôm boh dêh čar tŏ tui gơgrong tô nao rai, gir run pơgôp ƀiă dong amăng bruă hơkrŭ hăng pơtrut ƀiă dong tơlơi rô nao rai giang mah, ngă hrŏm kơplah wah Việt Nam hăng Saudi Arabia, UAE, Qatar.

Ƀing khua anih jưh pơsit tong Saudi Arabia, UAE, Qatar lêng kơ lăng yôm bruă ngă hrŏm hăng Việt Nam, laih dong mơng anai dưi pok prong, ngă tô nao rai ngă hrŏm kơplah wah ASEAN hăng GCC. Brơi thâo, ră anai bruă ngă hrŏm kơplah wah Việt Nam hăng hơdôm boh dêh čar glăk dik dak mơ-ak, ƀing khua anih jưh đăo gơnang pơ anăp anai, tơlơi rô nao rai Việt Nam hăng 3 boh dêh čar amra pơtrut kơtang, sit nik ƀiă dong, tañ dưi ngă djop hơnong pơkă mơ̆ dua bơnah ba tơbiă kar hăng tơlơi rơkâo mơng Khua dêh čar.