Bơngač rơđah plơi pla, ngă rơđah guai dêh čar tơring čar Gia Lai
Thứ tư, 10:36, 25/12/2024
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Binh đoàn 15 (Ding jum khul ling tơhan) phrâo jao ring bruă “Bơngač rơđah plơi pla” – mă yua apui hrĭp mơ̆ng pơ-iă yang hrơi pioh pơčrang rơđah hơdôm ară jơlan ƀơi tlâo bôh plơi djuai ania Jarai gah tơring glông Đức Cơ, tơring čar Gia Lai.
Ring bruă “Bơngač rơđah plơi pla” phrâo ngă giong ƀơi 3 bôh plơi Nŭ (să Ia Nan), plơi Ghè (să Ia Dơk) hăng plơi Ngo Rông (să Ia Krêl), tơring glông Đức Cơ. Ring bruă hmâo 146 ƀĕ tơmeh apui led, abih bang prăk mă yua rơbêh kơ 404 klăk prăk.
Ring bruă djru ngă bơngač hơdôm ară jơlan amăng plơi pla, să, sang jơnum plơi pla; djru pơhlôm hơđong bruă kơđi čar, hơđong pơhlôm mơnuih mơnam ƀơi guai dêh čar tơring glông Đức Cơ. Tui anun, amăng thun 2024, ring bruă “Bơngač rơđah plơi pla” hmâo ngă tui ataih rơbêh kơ 18km, ngă bơngač rơđah hơdôm bôh plơi pla neh wa djuai ania ƀiă rôk tui guai dêh čar tơring čar Gia Lai hăng abih bang prăk mă yua rơbêh kơ 1 klai 500 klăk prăk./.
Viết bình luận