Čơtlăm lơ 24/12, ƀơi Sang mă bruă Khua pơ ala mơnuih ƀôn sang, Khua git gai pơ ala mơnuih ƀôn sang dêh čar ta ơi Trần Thanh Mẫn git gai bruă jơnum mơ̆ng Jơnum min apăn bruă Khua pơ ala mơnuih ƀôn sang dêh čar ta gum pơhiăp pel ĕp, tơlơi pơsit sa dua mơta tơlơi gah bruă prăk kak ngăn drăp, amăng anun hmâo: pơhrua nao hmâo tơhnal pơkă mơ̆ng ngăn drăp dêh čar kơ hơdôm tơring čar, ƀôn prong pioh ngă tui hơdôm hơdră bruă hơđong tơlơi hơdip mơda mơnuih mơnam yua kơ dêh čar ta mă yua hơdôm thun mơ̆ng thun 2023-2024 hăng djru tla prăk djru kơ mrô mơnuih ƀong prăk kơnuk kơna gah nai pơtô dưi pơhrua nao kơ thun hrăm 2022-2023; pơhrua nao hmâo tơhnal pơkă mơ̆ng ngăn drăp kơnuk kơna kơ hơdôm tơring čar, ƀôn prong pioh ngă tui Akô̆ bruă kơtưn wai lăng hăng lŏn drŏn hmâo phun akha mơ̆ng hơdôm bôh plah tơsiong đang hmua, đang kyâo gah kơnuk kơna ră anai yua kơ sang bruă đang hmua, sang bruă đang kyâo pơkon, sang anô̆, mơnuih mă yua; rơnoh mă jia pơgang glai klô hăng ia săng, ia jâo, ia luir amăng thun 2025.

Kiăo tui anun, Jơnum min apăn bruă Khua pơ ala mơnuih ƀôn sang tŭ ư hrŏm mă yua tơlơi pơtrun pơsit brơi sui hrơi blan ngă tui Tơlơi pơtrun pơsit mrô 09 hăng rơnoh prăk lu biă ñu jăng jai lĕ 1,44% pơkă pơhrui hlâo, mă yua gah hră pơgang mơnuih mơnam, hră pơgang rơngiă bruă mă hăng hơdôm hrơi pơkă truh abih lơ 30/6/2025. Jơnum min apăn bruă Khua pơ ala mơnuih ƀôn sang ăt pơtă mơn, anai lĕ jơlan pioh pơhlôm mă yua wai lăng, pơgang gah mơnuih mơnam amăng tơlơi akă hmao hmâo tơlơi pơtrun pơsit phrâo hăng glăk ngă tui dưm dăp, rơbô̆t, pơphun jơlan gah mă bruă pơgang gah mơnuih mơnam Việt Nam tui Tơlơi pơtrun pơsit mrô 18./.