Anai lĕ bôh yôm dưi lăi nao amăng mông Jơnum klah čun bruă mă thun 2024, pok pơhai bruă jao thun 2025. Thun 2024, abih bang gơnam ƀơi tơring čar him lăng hmâo 141.326 klai prăk, đĭ rơbêh kơ 16% bơhmu hăng thun 2023. Prăk pơhrui glăi mơ̆ng gơnam sĭ kơ dêh čar arăng hmâo rơbêh kơ 1,8 klai dolar Mi, đĭ giăm truh 24% bơhmu hăng thun hlâo, hloh kơ 15% kơčăo bruă pơkă. Hrŏm hăng anun, pơhrui glăi hơnong ñu sa akô̆ mơnuih mơ̆ng tơring čar him lăng hmâo rơbêh kơ 72 klăk prăk, hloh kơ tơhnal kơčăo bruă pơkă lĕ 68 klăk prăk sa čô mơnuih.

Dak Lak đing nao dong bruă hơđong tơlơi hơdip mơnuih mơnam. Mrô sang anô̆ ƀun rin hmâo hrŏ trun lu, mơ̆ng rơbêh kơ 9% rơnuč thun 2023 trun dô̆ 6% amăng rơnuč thun anai. Thun 2025, Dak Lak hmâo ba tơbiă đĭ kyar bơwih ƀong hmâo 8%. Khua Jơnum min mơnuih ƀôn sang tơring čar Dak Lak Phạm Ngọc Nghị rơkâo hơdôm bôh tơring glông plơi prong ngă tui rơnoh prong pran jua gơgrong, ba tơbiă bruă pơsir pioh ngă truh kih kơčăo bruă thun 2025, đĭ rơnoh, truh akô̆ amăng ngă tui hơdôm tơhnal pơkă bruă jao mơ̆ng Tơlơi pơtrun pơsit Jơnum Ping gah tơring čar tal 17./.