Amăn mông tŭ jum, Kơ-iăng Khua dêh čar ơi Bùi Thanh Sơn pơtŏng sit tơlơi pơmin ha sa mơ̆ng Việt Nam lĕ tơlơi dŏng yua kơtang jơlan gah Dua kơnuk kơna, amăng anun hmâo bruă pơdŏng sa Kơnuk kơna Palestine rơngai hăng hmâo tơlơi dưi pô, hluai tui jơlan guai dêh čar hlâo kơ thun 1967 hăng Ngŏ Jerusalem lĕ plơi prong jưh jom, djơ̆ hăng tơlơi phiăn jar kơmar hăng hơdôm tơlơi pơsit bơdjơ̆ nao mơ̆ng Sang gum hơbit djop dêh čar.

Khua pơ ala kơ Khua mir sir dêh čar Palestine pơtŏng sit Việt Nam lĕ gru ba jơlan hlâo, jing pran ngă pơhưč kơ mơnuih ƀôn sang Palestine hrưn đĭ hmâo tơlơi dưi kơ pô, dưi pơsit pô hăng dưi pơdŏng Kơnuk kơna Palestine rơngai. Dua bơnah tŭ ư hơduah ĕp dong bruă pơsir tơlơi tơnap, pơtrut gum hrŏm amăng lu bruă dưi hmâo pơkon kah hăng sĭ mơdrô, pơtô pơhrăm, kơsem min bôh thâo măi mok, bruă đang hmua, kơtưn bơkơtuai nao rai bôh thâo đưm hăng tô nao rai mơnuih ƀôn sang dua bôh dêh čar. Tui hăng pran jua anun, dua bơnah tŭ ư pơtrut pok pơhai hơdôm hơdră gum hrŏm dua bơnah./.