Ƀơi mông tŭ jum, Khua group Tokyu hơmâo lăi pơthâo hăng ơi Trần Thanh Mẫn kơ boh tơhnal ngă hrŏm plah wah Tokyu hăng Becamex amăng bruă pơđĭ kyar čuk pơkra jơlan glông, man pơdong plơi prong ƀơi Bình Dương; laih dơ̆ng bơni kơ tơring čar Bình Dương đing nao biă mă, djru hăng ngă gêh găl kơ Group pok pơhai bruă mă, tuh pơ alin ƀơi tơring čar.

Lăng yom tơlơi pơđĭ kyar hăng rơnoh pơhrui glăi hmar mơ̆ng Việt Nam thun blan rơgao. Khua group Tokyu čang rơmang ăt ngă hrŏm, kah pơpha nao rai tơlơi thâo thăi amăng 100 thun rơgao pơđĭ kyar plơi prong, kiăng man pơdong tơring čar Bình Dương jing plơi prong mơtah mơda, thâo rơgơi hăng kiăng dŏ biă mă. Hăng 50 thun găn rơgao tơlơi thâo amăng bruă man pơdong plơi prong phrâo, Khua git gai Group Tokyu čang rơmang kah pơpha brơi kơ hlơi pô kiăng hăng group pơpă či tuh pơ alin amăng bruă čuk pơkra jơlan glông ƀơi Việt Nam lăi hrŏm hăng tơring čar Bình Dương hnun mơ̆n.