VOV4.Jarai-Tlam lơ 19/3, Khua dêh čar ơi Phạm Minh Chính hơmâo mông tŭ jum Khua anih jưh pơ ala dêh čar Lao hăng Hàn Quốc ƀrô hrơi 2 čô khua anih jưh rai mă bruă ƀơi dêh čar Việt Nam.

VOV4.Jarai-Mơguah lơ 19/3, ƀơi Hà Nội, Khua dêh čar ơi Phạm Minh Chính jơnum hrŏm bưp ƀô̆ mơta khul mơnuih ngă bruă sĭ mơdrô hơmâo prăk mơ̆ng dêh čar tač rơngiao tuh pơ alin FDI hăng jơnum bơkơtuai bruă sĭ mơdrô Việt Nam tơđar thun 2024 (VBF 2024), hăng akŏ ñu “Mơnuih ngă bruă sĭ mơdrô FDI kơsung nao hlâo ngă tui bruă pơđĭ kyar mơtah mơda”.

VOV4.Jarai - Mơguah tom brơi (lơ 19/3), ƀơi Sang bruă pơ ala mơnuih ƀôn sang pơphun Jơnum pok pơhai tơlơi pơtrun mrô 969 mơ̆ng Jơnum min apăn bruă pơ ala mơnuih ƀôn sang dêh čar pơtô brơi lăi pơthâo rơđah bruă ƀơi mông jơnum Jơnum khul wai lăng djuai ania, Jơnum min mơ̆ng Khua mua pơ ala mơnuih ƀôn sang dêh čar.

VOV4.Jarai - Lơ 18/3, ƀơi Sang bruă Kơnuk kơna, Khua dêh čar ơi Phạm Minh Chính tŭ jum Khua ding jum pơtom hiăp dêh čar Uzbekistan, Bakhtiyor Saidov glăk rai čuă sit nik dêh čar Việt Nam mơ̆ng lơ 17 truh lơ 19/3/2024.

VOV4.Jarai - Tom brơi (lơ 18/3), ƀơi Hà Nội, Thượng tướng Lương Tam Quang, Ding kơna Ping gah, Kơ-iăng khua ding jum kông an tŭ jum Grup bơwih ƀong prong Khul bơwih ƀong sĭ mơdrô dêh čar Mi - ASEAN (USABC) glăk rai čuă hăng mă bruă ƀơi dêh čar Việt Nam.

VOV4.Jarai-Hrơi anai, lơ 19/3, Jơnum min apăn bruă phun pơ ala mơnuih ƀôn sang dêh čar jơnum pok pơhai ngă tui Hră pơtrun 969 mơ̆ng Jơnum min apăn bruă phun pơ ala mơnuih ƀôn sang dêh čar tal 15 pơtô brơi pơphun bruă mă lăi pơthâo bruă pok pơhai ƀơi mông jơnum Anom bruă Djuai ania, hơdôm jơnum min gah anom bruă khua pơ ala mơnuih ƀôn sang dêh čar.

VOV4.Jarai – Mơguah lơ 18/3, ƀơi ƀôn prong Hà Nội, Khua git gai wai lăng pơ ala mơnuih ƀôn sang dêh čar ta ơi Vương Đình Huệ git gai hăng pơhiăp pok phun mông tơña hăng lăi glăi tơlơi tơña amăng mông Jơnum tal 31 mơ̆ng Jơnum min apăn bruă Khua pơ ala mơnuih ƀôn sang kơ ƀut tơlơi gah prăk kak.

VOV4.Jarai – Thun 2004, tơring čar Dak Nông dưi pơdŏng glăi mơ̆ng 6 bôh tơring glông gah Dơnung tơring čar Dak Lak hơđăp. 20 thun tơdơi, Dak Nông tơtlaih laih mơ̆ng tơring čar ƀun rin. Truh kih anun hmâo hơdôm tơlơi gum mơ̆ng ƀing ping gah, tha plơi, mơnuih hmâo arăng đăo gơnang amăng djuai ania ƀiă, djru plơi pla hơđong bruă kơđi čar, pơđĭ kyar bơwih ƀong mơnuih mơnam. Tơring čar Dak Nông ăt hmâo laih hơdôm jơlan pơsir ngă tui dong bruă mơ̆ng mơnuih hmâo arăng đăo gơnang amăng kual djuai ania ƀiă, djru ngă tui pran kơtang gum hrŏm ngă tui tơhnal pơkă hrưn đĭ pơđĭ kyar jing tơring čar dưi dăi mơ̆ng kual Dap Kơdư.

VOV4.Jarai – Glăk amăng bơyan phang kơtang, ƀơi tơring čar Dak Nông hmâo laih 11 mơta tơlơi apui ƀong. Ƀơi anăp tơlơi amra apui ƀong glai prong, gơnong bruă pơgang glai klô hmâo kơtưn hơdôm bruă pơgang pơgăn apui ƀong glai.

VOV4.Jarai – Ơi Nguyễn Thái Học, Kơ-iăng Khua Grŭp mă bruă Ping gah dêh čar ta dưi hmâo Ding jum kơđi čar brơi nao ngă jăng jai Khua git gai Ping gah tơring čar Lâm Đồng.