Amăng mông jơnum, Khul pơphun hơmâo jao 2 pri A, 4 pri B, 6 pri C hăng 10 pri pơsur pran brơi ƀing mơnuih, grup čih tơlơi pơhing. Khul pơphun ăt hơmâo sem lăng, ruah mă 34 tơlơi čih yôm hloh, ba nao mă pri čih tơlơi pơhing đơ đam dêh čar kơ pơjing Ping gah (pri Búa Liềm vàng) tal IX, thun 2024. Anai lĕ hơdôm tơlơi čih yôm hloh, amăng mrô 210 tơlơi čih hơmâo ruah mă. Tal jao pri thun anai hơmâo hơdôm tơlơi pơgôp yôm amăng bruă lăi nao hơdôm bruă pơjing Ping gah, sit biă ñu bruă pơjing, pơplih pơkra amăng Ping gah, wai pơgang tơlơi pơmĭn, bruă pơgang, pơgăn hưp ƀong kông ngăn, bruă ngă soh.

Sit biă ñu, hơdôm tơlơi čih ba glăi hơdôm tơlơi pơtă yôm hloh, ngă lar hyu amăng mơnuih mơnam. Ăt amăng mông jơnum, yă Huỳnh Thị Chiến Hòa, kơ-iăng khua git gai Ping gah dêh čar, Khua Jơnum min pơ ala mơnuih ƀôn sang tơring čar Dak Lak hơmâo pơphun pơplông mă pri čih tơlơi pơhing amăng pơjing Ping gah tơring čar Dak Lak tal VII, thun 2025.