Tơdơi kơ lăi pơthâo hơdôm bruă dưi ngă prong mơ̆ng lŏn ia ta amăng djŏp bruă mă, Khua git gai Ping gah ơi Tô Lâm brơi thâo, tơdơi kơ Jơnum ruah khua Ping gah dêh čar tal 14, lu bruă akŏ phun amăng bruă akŏ pơdong Ping gah hơmâo pok pơhai ngă kơnar ƀơi djŏp bruă, kah hăng čih pơkra, pơhrua tui hăng pơtrun djŏp hră pơ-ar pơtô ba, tơlơi pơkă kơ mă yua Tơlơi pơkă Ping gah hăng bruă hyu pel ĕp, krăo lăng mơ̆ng Ping gah; pơplih kơtang hloh bruă ruah khua mua tui jơlan ngă bruă tơpă sit, rơđah rơđông; ruah djơ̆ mơnuih, jao djơ̆ bruă, lăng boh tŭ yua amăng bruă mă, tơlơi đăo kơnang mơ̆ng mơnuih ƀôn sang hăng tuč rơnuč bruă ngă ba glăi tơlơi hơget klă jing bruă akŏ phun, yom hloh, kah hăng pok pơhai bruă pơđĭ tui pơgang, pơgăn hĭ ƀong prăk kơnuk kơna, prai gơnam tam kơnuk kơna, ngă bruă soh sat; pơgăn hlâo tơlơi pơmin kơđi čar ƀu klă, tơlơi hơdip ƀu hiam, bruă ngă mă pô, lui mă pô amăng anih mă bruă.

Lok glăi ha wơ̆t dong, Ping gah, Kơnuk kơna leng kơ pơpŭ hơdôm tơlơi gum pơgôp prong prin mơ̆ng ƀing khua nao hlâo, djŏp rơnuk, djŏp rơwang bruă, Khua git gai Ping gah čang rơmang hmư̆ tơlơi pơgôp hiăp yom mơ̆ng ƀing khua hơđăo amăng Ping gah, đah mơ̆ng djru kơ Khul khua apăn bruă Ping gah, Ding jum kơđi čar, Khul khua git gai Ping gah dêh čar tal 14 čih pơgiong klă hloh tơlơi pơtrun, hăng pơđĭ tui hloh dong anŏ klă, apăn bruă mơ̆ng ƀing khua, črâo bruă, ba lŏn ia ta kjăp tơkai hơyak đĭ pơ anăp anai./.