Ơi Trương Công Thái, Kơ-iăng khua Jơnum min mơnuih ƀôn sang tơring čar Dak Lăk, Khua git gai bruă mă ƀơi Guai dêh čar tơring čar, pơpŭ bơni, lăng yom biă kơ hơdôm bruă mơ̆ng tơhan pơgang guai hơmâo ngă lơ̆m wai lăng, pơgang kjăp lŏn ia, guai dêh čar; ngă hrŏm kjăp, tŭ yua hăng tơhan pơgang guai dêh čar Kur amăng bruă wai lăng, pơgang jơlan guai, gong guai; ƀing khua, tơhan leng kơ pioh pran jua gir kơtir, găn rơgao tơnap tap, ngă giong bruă hơmâo jao.

Ơi Trương Công Thái brơi thâo, tơring čar Dak Lăk leng kơ lăp đing nao, ngă gêh găl brơi kiăng Tơhan pơgang guai ngă klă bruă hơmâo jao; laih dong kiăng thun 2026, ping gah, khua tơhan djŏp gưl amăng Tơhan pơgang guai tơring čar pơtrut tui djŏp bruă hơmâo ngă, bong kjăp tơlơi gum pơgôp, rơnôm amăng anom bruă, ngă bruă klă tui, tŭ ư hăng ngă giong djŏp bruă hơmâo jao amăng hrơi blan phrâo.