Pơ ala kơ khua mua ping gah, kơnuk kơna, ơi Tô Lâm mơ-it hiăp tơña bla hăng bơni hơ-ơč pơpŭ thun phrâo hăng ƀing khua mua hơđăp laih anun sang anŏ ƀing gơñu. Jŭ yap glăi tơlơi pơhing amăng dêh čar, Khua git gai ping gah lăi, amăng tơlơi mơak hrŏm phrâo jơnum ruah khua ping gah tal 14 truh kih tŭ yua, dêh čar Việt Nam hlăk dong ƀơi anăp tơlơi lông lăng hăng anŏ gêh găl prong yak nao amăng rơnuk hrưn đĭ pô mơ̆ng djuai ania.

Khua git gai ping gah pơdah pran jua mơak yua ƀing khua mua hơđăp hăng ƀing tơhan kông an mơnuih ƀôn sang ră anai hai, hơmâo ngă bruă tŭ yua yom amăng tal jơnum ruah khua ping gah 14 kơ dêh čar. Khua git gai ping gah lăi pơtong, mah pơdơi abih thun bruă laih, lu khua mua tơlơi pơmin dŏ hruaih, drơi jăn dŏ găng añrăng đôč, tơlơi thâo amăng bruă mă kơjăp anun kiăng ăt djru hrŏm amăng bruă mă plơi pla, ba akŏ hlâo, ngă anih ưh kơnang tong ten kơ bruă kơđi čar, hur har djru hrŏm akŏ pơdong ling tơhan kông an mơnuih ƀôn sang beč bal, thâo rơgơi hăng mă bruă phrâo kiăo tui rơnuk anai.