Khua dêh čar rơkâo djop ding jum, gơnong bruă, ƀon lan gir run hloh, ngă bruă khut khăt kiăng dưi ngă djơ̆ hơnong pơkă pơđĭ kyar dua mrô tui tơlơi pơtrun Jơnum tal XIV mơng Ping gah. Ƀing pơ ala brơi hơdôm ƀon lan pơdah tơlơi gir run mơng blan blung a, rơwang tal blung thun 2026, ngă pơplih tong ten kơ bruă jao prăk tuh pơ alin man pơdong, pơplih ngă hră pơ-ar, ngă gêh gal amăng bruă bơwih ƀong sĭ mơdrô.

Khua dêh čar lăi pơtong, thun 2026 lĕ thun akŏ rơwang ngă bruă, amra pơtrut pơsur, ba glăi tơlơi đăo gơnang hăng pran jua ngă tui tơlơi pơtrut mơng Jơnum tal XIV hăng lu tơlơi git gai phrâo, pơtrut hrưn đĭ kơtang. Khua dêh čar rơkâo đing nao pok pơhai Jơlan hơdră bruă mă hăng lu hơnong pơkă bơwih ƀong huă phun, ngă tui 12 grup bruă jao amăng 264 bruă, akŏ bruă akŏ phun; laih dong đing nao gru grua-mơnuih mơnam, tơlơi bơwih ƀong, pơhlôm brơi prăk apah Tết brơi mơnuih mă bruă, pơhlôm hơđong, rơnuk rơnua amăng mơnuih mơnam.