VOV4.Jarai-Tlam lơ 27/3, ƀơi anom mir sir, Khua mir sir jăng jai yă Võ Thị Ánh Xuân tŭ jum yă Carolyn Turk, Khua sang bruă prăk rŏng lŏn tơnah ƀơi Việt Nam nao mă tơngan ƀrô abih thun mă bruă ƀơi Việt Nam.

VOV4.Jarai-Amăng mrô 128 ring bruă ia hơdjă pơ kual plơi pla ƀơi tơring čar Dak Lak, hơmâo truh 52 boh ring bruă răm laih ƀu thâo yua dơ̆ng tah hăng hơdôm hơpluh ring bruă pơkŏn mă yua ƀah wư. Kơƀah prăk ming pơkra glăi, anun bơbeč djơ̆ prong biă mă kơ tơlơi hơdip mơda, ba ia yua kơ mơnuih ƀôn sang, biă mă ñu amăng bơyan phang hang pơđiă ră anai.

VOV4.Jarai-Mơguah tom brơi, lơ 27/3, ƀơi Hà Nội, ding kơna ding jum kơđi čar, khua gum bruă git gai ping gah, Khua anom pơphun bruă ping gah dêh čar, yă Trương Thị Mai mă bruă hăng ping gah grup, khua mua Khul tơhan hơđăp Việt Nam.

VOV4.Jarai-Dak Nông ăt hlăk krĕp 49 thun mơ̆n yap mơ̆ng hrơi pơklaih rơngai Gia Nghĩa, tơring čar phrâo pơphun ngă lơphet prong biă mă hơdor glăi tal 20 thun akŏ pơdong glăi tơring čar (2004-2024). Dak Nông- tui hăng tơlơi Bnông lĕ hnoh ia mơ̆ng boh gêt. Dơ̆ng mơ̆ng kual lŏn glai klô dŏ hnong hnăi, ƀun rin, tơnap tap, Dak Nông hơmâo hrưn đĭ kơtang biă mă hăng hlăk gir run kiăng jing tơring čar pơđĭ kyar hloh ƀơi kual Dap Kơdư.

VOV4.Jarai – Mơguah lơ 27/3, ƀơi Sang mă bruă Khua pơ ala mơnuih ƀôn sang, Khua git gai wai lăng pơ ala mơnuih ƀôn sang dêh čar ta, ơi Vương Đình Huệ tŭ jum Khua pơ ala mơnuih ƀôn sang dêh čar Mi, yă Kirsten Gillibrand, Khua Grŭp hơdôm tơlơi pơhuĭ phrâo rŭ đĭ, Jơnum min apăn bruă Khua pơ ala mơnuih ƀôn sang gơnong dlông dêh čar Mi hăng hơdôm ding kơna amăng grŭp lĕ ƀing Khua pơ ala mơnuih ƀôn sang gơnong dlông hăng gơnong yŭ, hơdôm bơnah ping gah, hơdôm ala čar mơ̆ng dêh čar Mi glăk hmâo tal rai čuă hăng mă bruă ƀơi dêh čar Việt Nam.

VOV4.Jarai - Tal hơdor glăi 93 thun hrơi akŏ pơjing Khul hlăk ai rơnuk Hồ Chí Minh, tlam lơ 26/3, Ping gah ling tơhan, Ding jum ling tơhan pơphun ngă lơphet pơpŭ 45 čô hlăk ai ba gru, ƀing hlăk ai rơgơi amăng khul ling tơhan thun 2023.

VOV4.Jarai-Lơ 26/3/2024, ƀơi Ƀirô Ping gah, Khua git gai Ping gah dêh čar ơi Nguyễn Phú Trọng hơmâo mông pơhiăp telephôn hăng Khua mir sir dêh čar Nga ơi Vladimir Putin.

VOV4.Jarai – Čơtlăm lơ 26/3, ƀơi ƀirô mă bruă Gong gai dêh čar, ơi Phạm Minh Chính, Ding kơna Ding jum kơđi čar, Khua dêh čar ta, Khua Grŭp bơwih ƀong – mơnuih mơnam Jơnum khua pơ ala đơ đam dêh čar tal 14 mơ̆ng Ping gah git gai mông jơnum tal dua mơ̆ng Grŭp.

VOV4.Jarai-Ƀơi sang bruă Kơnuk kơna, Khua dêh čar ơi Phạm Minh Chính čơkă jum Khua git gai pơ ala mơnuih ƀôn sang dêh čar Phần Lan, ơi Jussi Halla Aho hlăk rai čuă jơmư sit nik Việt Nam.

VOV4.Jarai-Ƀơi plơi prong jưh jom Washington, dêh čar Mi, Khua ding jum pơtom hiăp ơi Bùi Thanh Sơn hăng Khua ding jum pơtom hiăp dêh čar Mi, ơi Antony Blinken git gai hrŏm jơnum bưp nao rai Khua ding jum pơtom hiăp Việt Nam hăng Mi tal sa.