Čơtlăm mơmot tom brơi (22/12), amăng jơlan hơdră nao mă bruă pơ̆ tơring čar Lào Cai, Khua dêh čar ta pơsit tơlơi, bôh tơhnal pok pơhai bruă pơđĭ kyar bơwih ƀong – mơnuih mơnam thun 2024 hăng jơlan gah, bruă jao pơ̆ anăp. Pơhiăp klah čun amăng mông mă bruă, Khua dêh čar ơi Phạm Minh Chính phun ñu tŭ ư hrŏm hăng ƀing khua pơ ala kơ hơdôm tơhnal gal, hmâo hơđăp hăng hơdôm bôh than dưi ngă, bôh tơhnal dưi hmâo mơ̆ng Lào Cai amăng thun 2024.

Gah tơlơi pơmin, pơsit jơlan gah pơ̆ anăp anai, Khua dêh čar rơkâo lăi pơthâo abih, pơjing kơčăo bruă, jơlan hơdră bruă ngă pioh pơplih phrâo, pok pơhai ngă tui djop tum, ba glăi bôh tơhnal Tơlơi pơtrun pơsit Jơnum tal 13 mơ̆ng Ping gah, hơdôm Tơlơi pơtrun pơsit, Klah čun, črâo ba mơ̆ng dêh čar, Ding jum kơđi čar, Grŭp ding kơna git gai Ping gah, Khua pơ ala mơnuih ƀôn sang, Gong gai dêh čar, amăng anun hmâo Tơlơi pơtrun pơsit mrô 11 mơ̆ng Ding jum kơđi čar kơ jơlan gah pơđĭ kyar bơwih ƀong - mơnuih mơnam hăng pơhlôm pơgang lŏn ia, rơnuk rơnua plơi pla kual tŏng krah hăng kual čư̆ siăng Kơdư dêh čar hăng Tơlơi pơtrun pơsit Jơnum Ping gah tơring čar; mă yua, ngă tui djơ̆ hơdră pơtrun, jơlan gah mơ̆ng Ping gah, hơdră bruă, tơlơi phiăn mơ̆ng Kơnuk kơna hăng tơlơi črâo ba, git gai mơ̆ng Gong gai dêh čar, Khua dêh čar./.