Ƀing khua mua hơmâo nao čuă hăng pơpŭ ƀing ama, ƀing amai hăng mơnuih tui đăo ƀơi Sang jơnum prong Buôn Ma Thuột, khul khua mua đăo hiam phrâo tơring čar, ƀing amai ƀơi sang kŏm drơi jăn tui đăo Hòa Bình, Sang jơnum Ban Mê Thuột, Jơnum min gum pơgôp đăo khŏp tơring čar, khul đăo hiam phrâo ƀuôn Alê A.

Pơ ala khua mua tơring čar Dak Lak, ơi Trương Công Thái, kơ-iăng khua Jơnum min mơnuih ƀôn sang tơring čar mơ-it nao tơlơi pơpŭ hiam klă, yâo mơ-ak tơl abih bang mơnuih đăo khŏp, tŭ yap hơdôm tơlơi gum pơgôp mơng ƀing mơnuih tui đăo amăng pơđĭ kyar hrŏm ƀơi tơring čar. Laih dong pơsit tong, tơring čar lêng kơ lăng yôm bruă pơtô tơlơi rô nao rai hiam klă kơplah wah hơdôm tơlơi đăo hăng mơnuih ƀôn sang, pơhlôm brơi tơlơi hơdip gum pơgôm mut hrŏm.