Kon Tum pơsir hĭ anih kân blơi pơhrui gơnam đang hmua ngă soh
Thứ ba, 10:18, 24/12/2024 VOV Tây Nguyên/Siu Đoan Pơblang VOV Tây Nguyên/Siu Đoan Pơblang
VOV4.Jarai-Ƀơi anăp kơ bruă anih kân blơi pơhrui gơnam đang hmua ngă soh ba truh kơ bruă blơi pơhrui gơnam ƀu bơkơnar, Jơnum min mơnuih ƀôn sang tơring čar Kon Tum glăk git gai gong gai ƀon lan hăng anom bruă bơdjơ̆ nao pơsir hĭ khut khăt.

Amăng 172 anih kân blơi pơhrui gơnam đang hmua amăng tơring čar Kon Tum hơmâo kơnong 20 anih djop tơlơi gal dưi ngă bruă. Mrô dŏ glăi hơmâo truh pơ 88 anih kiăng ruh hĭ; 64 anih kiăng pơhrua hră pơ-ar phrâo kah dưi ngă bruă. Ngă tui tơlơi git gai mơng Jơnum min mơnuih ƀôn sang tơring čar Kon Tum, gong gai hơdôm boh tơring glông, plơi prong amăng tơring čar glăk gir run pơsir hĭ bruă ngă soh ƀơi hơdôm anih kân blơi pơhrui gơnam anai.

Tơlơi soh juăt ƀuh mơng hơdôm anih blơi pơhrui gơnam đang hmua amăng tơring čar Kon Tum lĕ ƀu čih anăn bơwih ƀong sĭ mơdrô; ƀu ngă tui tơlơi pơkă mơng tơlơi phiăn tui djơ̆ hăng hră pơsit tŭ yap kân mă yua ƀudah hră pơsit abih hrơi pơkă samơ̆ ƀu sem lăng glăi. Hơdôm anih dưm kân ƀu djơ̆ hăng tơlơi pơkă mă yua lŏn mơnai; anih kân dưm ƀơi anih bơdjơ̆ nao rơdêh đuăi nao rai, aka ƀu hơmâo tơlơi tŭ ư djơ̆ hăng tơlơi pơkă.

VOV Tây Nguyên/Siu Đoan Pơblang

Viết bình luận

TIN CÙNG CHUYÊN MỤC