Gơnong bruă rông hlô mơnong tơring čar hơmâo pok pơhai lu hơdră bruă kiăng pơhlôm brơi mơnong sĭ mơdrô hăng hiam hơdjă brơi mơnuih blơi yua. Mrô un rơmô, mơnŭ bip đơ đam tơring čar Dak Lak ră anai giăm 18 klăk 500 rơbâo drơi, đĭ giăm rơbêh 1 klăk drơi pơhmu hăng thun hlâo. Mơnong čuh hơtă djop mơta him lăng 256.700 tơ̆n, đĭ 11.700 tơ̆n, pơhlôm djop brơi mơnuih blơi yua amăng tơring čar hăng hơdôm kual jum dar amăng bơyan ƀong tết pơ anăp.

Ơi Nguyễn Văn Hà, Kơ-iăng khua gơnong bruă ngă hmua hăng pơđĭ kyar ƀon lan tơring čar Dak Lak brơi thâo: hơdôm anom bơwih ƀong hrŏm, drông war hơdôm boh sang anŏ amăng tơring čar glăk rông lu tui kiăng dưi sĭ amăng rơnuč thun. Gơnong bruă git gai hơdôm anom bruă bơdjơ̆ nao kơtưn amăng bruă pơgang klin kman ƀơi hlô rông, pel ĕp mơnong ƀong ƀơi hơdôm anih čuh hơtă pơƀut, ƀơi hơdôm sang čơ kiăng pơhlôm gơnam hơdjă.