Amăng mông tŭ jum, Khua git gai Ping gah dêh čar ta pơsit yôm hơdôm tơlơi gum hơgôp klă hăng gir run mơ̆ng Khua anih jưh pơ ala kơ bruă pơtrut tơlơi rô nao rai dua bôh dêh čar hơdôm hrơi rơgao, hăng tơlơi kiăng lăi nao lĕ bruă pơđĭ dlông tơlơi rô nao rai dua bôh dêh čar truh rơnoh gum hrŏm abih bang hăng hơ-ưč hmưi Khua anih jưh pơ ala hmâo ngă giong laih rơwang bruă pô mă truh kih ƀơi Việt Nam.

Amăng rơwang bruă gum hrŏm abih bang, dua bôh dêh čar khom kơtưn pơtrut tơlơi đăo kơnang bruă kơđi čar hăng lăi pơthâo kơ tơhnal lăng nao hăng tơlơi pơmin pioh kơ hơdôm tơlơi ƀơi kual hăng jar kơmar. Ƀrô djơ̆ tal anai, Khua git gai Ping gah dêh čar pơdah pran jua bơni kơ Gong gai Australia hmâo djru laih Việt Nam amăng lu bruă kah hăng ia jrao, pok pơhai khul tơhan pơgang rơnuk rơnua Sang gum hơbit djop dêh čar, bŏng glăi pơplih ayuh hyiăng hăng pơplih apui yua, ngă gal brơi kơ 350 rơbâo čô mơnuih Việt Nam dô̆ ƀơi Australia; pơtŏng sit Việt Nam čang rơmang kơtưn đĭ hloh dong tơlơi rô nao rai, gum hrŏm hăng Australia yua kơ bôh tŭ yua mơ̆ng mơnuih ƀôn sang dua bôh dêh čar, ăt kah hăng tơlơi gum hơgôp kơ tơlơi rơnuk rơnua, hơđong ƀơi kual hăng rŏng lŏn tơnah mơn./.