Kơ-iăng Khua dêh čar ơi Bùi Thanh Sơn tŭ yap hăng lăng yôm 7 boh than dưi ngă yôm phun mơng gơnong bruă tuh tia pơkra ming hăng sĭ mơdrô, pơgôp yôm amăng tơlơi dưi hrŏm amăng đơ đam dêh čar hăng rơgao abih bang 15 hơnong pơkă, amăng anun, rơnoh pơđĭ kyar GDP thun 2024 rơbêh 7%. Yôm hloh lĕ bruă tuh tia pơkra ming đĭ kơtang hăng đĭ djop mơta amăng hơdôm boh ƀon lan; sĭ mơdrô pơ tač rơngiao truh pơ 800 klai đôlar Mi, him lăng rơnoh sĭ mơdrô pơ tač rơngiao truh 403 klai đôlar Mi.

Tơlơi yôm hloh lĕ rơnoh sĭ mơdrô pơ tač rơngiao đĭ kơtang, hăng bruă hơkrŭ glăi mơng hơdôm gơnam sĭ mơdrô pơ tač rơngiao phun, lơm đĭ 13,6% pơhmu hăng thun 2023. Yak nao thun 2025, tui kơ-iăng Khua dêh čar ơi Bùi Thanh Sơn, bruă blung a lĕ kiăng ngă gêh gal, tong ten, rơđah rơđông hăng pơsir hĭ hơdôm tơlơi gun mơng bruă ngă hră pơ-ar kiăng pơđĭ kyar tuh tia pơkra ming hăng pơtrut sĭ mơdrô gơnam tam.