Khua git gai Ping gah dêh čar ơi Tô Lâm tŭ yap hăng lăng yôm tơlơi gum hrŏm, gum djru mơ̆ Kơnuk kơna Singapore brơi kơ Việt Nam dong mơng hrơi pơplih phrâo hăng mut hrŏm jar kmar; pơsit tong Việt Nam lêng kơ lăng yôm hăng čang rơmang pơtrut tơlơi rô nao rai ngă hrŏm sui thun hăng Singapore kiăng pơđĭ kyar jai hrơi kơtang, dơlăm tui, sit nik, tŭ yua.

Khua git gai Ping gah dêh čar ơi Tô Lâm rơkâo dua boh dêh čar kơtưn ƀiă dong tơlơi đăo gơnang kơđi čar hluai tui hơdôm mông pơbưp gưl khua mua pơprong hăng djop gưl; pơtrut kơtang ngă hrŏm kơplah wah Ping gah Cộng sản Việt Nam hăng Ping gah ngă bruă mơnuih ƀon sang; hăng brơi thâo hơdôm anom bruă bơdjơ̆ nao dua bơnah kiăng tŏ tui gum hrŏm kjăp kiăng pơjing hơdră sui pơ anăp hăng akŏ bruă ngă hrŏm amăng hơdôm bruă anun lĕ pơplih yua boh thâo phrâo, apui lơtrik kiăng yak nao pơplih kơtang, djơ̆ hăng tơlơi rơkâo hăng hơnong pơkă pơđĭ kyar amăng rơnuk phrâo; laih dong kơtưn ngă hrŏm wai pơgang rơnuk rơnua.