Hăng akŏ bruă “Yua kơ mơnuih ƀôn sang wor rơbit drơi jăn pô”, hơdră adoh suang anai hơmâo pơphun hăng klâo črăn hơdră adoh suang pĕ gông hăng adoh suang Giao hưởng-thính phòng”, pơdah amăng tơrưng gah rơngiao ƀơi jơlan čơlah prong Nguyễn Huệ-Lê Lợi, Kuân 1, ƀôn prong HCM. Amăng anih pơdah tơlơi adoh prong rơhaih gah rơngiao, mlam adoh suang anai hơmâo lu tơlơi adoh bơni kơ bruă hơkrŭ, yua ƀing kơhnâo adoh suang hmư̆ hing hăng lu tơlơi adoh mơak bơni kơ bruă ling tơhan, ling tơhan hăng tơlơi hơkrŭ lŏn ia mut tơma amăng pran jua rim čô mơnuih ƀôn sang, djuai ania dêh čar Việt Nam, ling tơhan mơnuih ƀôn sang Việt Nam amăng 80 thun laih rơgao akŏ pơjing hăng pơđĭ kyar.

Mơ̆ng hơdră anai, hơmâo boh pia Lŏn ia amăng pran jua, tơlơi adoh Bài ca không quên, laih anun tơlơi adoh “Vì nhân dân quên mình”, hơdră tơlơi adoh bơni kơ rup rap ling tơhan rơnuk Wa Hô hăng hơdôm tơlơi bơni hiam, pơƀuh glăi gru grua hơkrŭ mơ̆ng djuai ania, pơƀuh tơlơi khin hơtai, tuh drah pơčah asar samơ̆ hing ang biă mă mơ̆ng djuai ania ta kiăng dưi sua glăi tơlơi rơngai lŏn ia, rơngai kơ djuai ania, dưi pơlir truh kih lŏn ia jing sa, ngă kơ lu khua mua, mơnuih ƀôn sang nao lăng dlưh pran jua.