Amăng mông bưp, Khua mir sir ơi Lương Cường lăng yôm hơdôm tơlơi gum pơgôp mơng Khua anih jưh amăng bruă mă ƀơi Việt Nam, pơgôp pơtrut pơsur hăng kơtưn tơlơi rô nao rai giang mah gru grua kơplah wah dua boh dêh čar; laih dong hluai tui Khua anih jưh, ăt mơ-it nao tơlơi pơpŭ kơ Kơnuk kơna hăng mơnuih ƀôn sang dêh čar Algeria kơ hơdôm tơlơi dưi prong amăng bruă pơjing hăng pơđĭ kyar lŏn ia.

Khua mir sir ơi Lương Cường tŭ ư brơi thâo, dua bơnah kiăng tŏ tui dong yua tơdruă hơđong kjăp amăng dua kual hăng rŏng lŏn tơnah. Khua mir sir ơi Lương Cường pơpŭ khua anih jưh amra tŏ tui hơmâo tơlơi truh kih ƀiă dong lơm ngă bruă phrâo hăng mah ngă bruă hơget ăt amra tŏ tui hơdôm tơlơi pơgôp sit nik amăng bruă hơkrŭ tơlơi rô nao rai giang mah kơplah wah Việt Nam-Algeria.