Kơ-iăng Khua dêh čar tŭ yap, lăng yôm tơlơi gir run abih pran jua hăng hơdôm boh than yôm phăn mơ̆ Ping gah, gong gai hăng mơnuih ƀôn sang djop djuai ania tơring čar Lâm Đồng; plơi prong Đà Lạt dưi ngă amăng hơdôm thun rơgao.

Laih dong, rơkâo pơ anăp anai, tơring čar kiăng tŏ tui đing nao bruă wai pơgang jum dar, đing nao bruă yua boh thâo măi mok amăng pla pơjing, bruă ruah pơdjuai, blơi mut hơdôm pơjeh bơnga yôm, hơmâo nua, lăp djơ̆ hăng tơlơi rơkâo kiăng bơkơtưn hăng pơđĭ kyar gơnong bruă bơnga hơđong kjăp; pơsur hơdôm jơlan hơdră pơlir sĭ mơdrô, pơlir kơplah wah anom bơwih ƀong hăng mơnuih ngă hmua, wai pơgang hăng pơđĭ kyar anăn apăn kiăng mut hrŏm anih anom sĭ mơdrô pơ tač rơngiao.

Festival bơnga Đà Lạt tal 10 thun 2024 pơphun sui truh lơ 31/12, amra hơmâo lu boh tơhnal, jơlan hơdră yôm phara kiăng tuai čuă ngui hăng mơnuih ƀôn sang dưi hyu lăng.