Tui hăng tơlơi lăi pơthâo glăi klah cun ngă tui Tơlơi pơtrun pơsit 18, tơring čar Dak Lak hmâo pok pơhai lu hơdră pơphô hlâo, kah hăng bruă pơkĕ hrŏm anăn Khua Grŭp pơtô ba mơnuih ƀôn sang hăng Khua Jơnum min djop djuai ania mơnuih mơnam dêh čar tơring čar, pơmut hrŏm Ping gah Khul hơdôm ƀirô hăng Ping gah Khul hơdôm anom bơwih ƀong tơring čar.

Tơring čar hmâo hrŏ trun 10% mơnuih mă bruă ƀong prăk kơnuk kơna bơhmu hăng thun 2015, hrŏ trun 30 bôh anom mă bruă, anom apăn bruă gah hơdôm gơnong bruă, hrŏm hăng anun hrŏ trun 40 bôh anom hăng hơdôm bôh anom tui anun gah hơdôm anom apăn bruă. Pơ̆ anăp anai, Dak Lak ngă tui dong bruă pơsir lăp djơ̆, pơmut hrŏm sa dua gơnong bruă, anom bruă, pioh hrŏ trun anih anom pok tơbiă hăng pơđĭ dlông kơjăp bruă wai lăng. Khua git gai Ping gah tơring čar Dak Lak ơi Nguyễn Đình Trung lăi rơđah, bruă dưm dăp, ngă rơbô̆t glông jơlan mă bruă kiăng pơhlôm hmâo akô̆ tlôn, djơ̆ rơ-oa, lăp djơ̆ hăng tơlơi hmâo sit, hrŏm hăng bruă pơđĭ kơjăp bruă mă kơ mơnuih apăn bruă./.