Ơi Trần Thanh Mẫn Khua git gai pơ ala mơnuih ƀôn sang dêh čar ta bơni hơ-ơč kơ khua anih jưh pơ ala dêh čar Australia hơmâo ngă giong bruă jao ƀơi Việt Nam; hok mơak hăng lăng yom tơlơi pơgôp hrŏm mơ̆ng khua anih jưh pơ ala amăng rơwang bruă laih rơgao, ba tơlơi ngă giăng mah pŭ ƀăn kơ dua bơnah Việt Nam-Australia pơđĭ kyar kơtang hăng pok pơhư prong tui.

Ơi Trần Thanh Mẫn lăi pơtong, Việt Nam lăng yom na nao tơlơi ngă giăng mah hăng bơnah ngă hrŏm hlom bom plah wah Việt Nam hăng Australia lĕ sa amăng hơdôm ngă hrŏm yom biă amăng bruă pơtom hiăp Việt Nam. Ơi Trần Thanh Mẫn čang rơmang Khua anih jưh ăt djru hrŏm kơ bruă pơbŭ tui tơlơi ngă pŭ ƀăn giăng mah dua bơnah, kơtưn lu hloh amăng bruă bơwih ƀong huă, gru grua hiam, pơtô hrăm, apui yua; khua anih jưh pơ ala amra hơmâo lu tơlơi čih pôr pơhing kơ lŏn ia, ană mơnuih dêh čar Việt Nam brơi kơ mơnuih ƀôn sang dêh čar Australia thâo hluh dơlăm hloh kơ Việt Nam.