Anom bruă wai lăng boh tŭ yua, pơkra ming hăng pơđĭ kyar anih anom sĭ mơdrô-Ding jum Ngă hmua hăng Pơđĭ kyar plơi pla hơmâo ngă hră mơ-it kơ Gơnong bruă Ngă hmua hăng pơđĭ kyar Dak Lak brơi lăi pơthâo tum teč kơ tơlơi pơhing anai.

Hră lăi pơthâo hơmâo : Tơlơi pơhing kơ bruă mă wai lăng anŏ hơdjă mơnong ƀong huă yua kơ tơring čar wai lăng hăng hơdôm sang bruă ngă soh laih anun hơdră pơsir. Brơi sem glăi phun tơdŭ hơmâo hăng boh tơhnal ngă tui truh ră anai. Hră lăi pơthâo mơ-it glăi kơ Anom bruă wai lăng anŏ tŭ yua, pơkra ming hăng pơđĭ kyar anom sĭ mơdrô hlâo kơ lơ 30/12/2024.

Laih dơ̆ng, Gơnong bruă Đang hmua hăng pơđĭ kyar plơi pla tơring čar Dak Lak kơđiăng, kơtưn pơtô pơblang, lăi pơthâo mơnuih ƀôn sang, anom bruă pơkra ming gơnam sĭ mơdrô mơnong ƀong huă amăng tơring čar thâo pel ĕp anŏ hơdjă mơnong ƀong huă hlâo kơ ba sĭ mơdrô. Kơtưn hyu sem lăng, pel ĕp nao tơl anih pơkra ming, sang bruă sĭ mơdrô, dưi pơpha tơlơi dưi hyu ĕp lăng ƀơi tơring glông, să kiăng hmao kru ƀư̆ pơkra hơdôm bruă ngă aka ƀu djơ̆, kiăng ngă tui pơgang anŏ hơdjă mơnong ƀong huă sĭ mơdrô.