Amăng mông jơnum, khua mua hơdôm Ding jum hmâo bơkơtuai kơ hơdôm bôh yôm: pơđĭ kyar bruă măi mok pơkra jơlan rơdêh treng, pơtô mơnuih mă bruă; jơlan gah ngă tui ngăn rơnoh; mă yua, pơtô glăi anăp nao jing pô măi mok; pơsit jơlan gah pơjing glông tơhnal pơkă, tui djơ̆ lŏn ia pơkă. Klah čun mông jơnum, Kơ-iăng Khua dêh čar ơi Trần Hồng Hà rơkâo lăng tui tơhnal pơkă Tơlơi pơtrun pơsit mrô 172 mơ̆ng Khua pơ ala mơnuih ƀôn sang kơ hơdră pơtrun tuh pơplai Rơwang bruă jơlan rơdêh treng đuăi hmar ƀơi glông jơlan Kơdư – Dơnung.

Hluai tui hơdră dăp abih bang, Kơ-iăng Khua dêh čar rơkâo Ding jum jơlan nao rai dŭ pơgiăng gum hrŏm hăng hơdôm ding jum, gơnong bruă, tơring čar, ƀôn prong pioh pơjing hơdôm grŭp mă bruă amăng rim bôh yôm rơđah, mơ̆ng anun, pơsit tơhnal pơkă mă yua lŏn, pơsir anih anom mă yua pơkra, pơplih pơkra tơlơi pơkă kual, pơkă rơđah pioh pơjing kual lŏn pơđĭ kyar plơi prong, plơi pla tui jơlan nao rai, pơsit abih bang ngăn rơnoh hăng jơlan gah iâo pơhrui pioh ngă tui./.