Thun anai, Jơnum ngui hơmâo lu bruă mă dik dak mơ-ak anun lĕ: Hrơi ngui ƀing djru mơnuih mơnam dêh čar mut hrŏm jơlan hơdră gum djru bơyan puih thun 2024 hăng bơyan bơnga djru gum thun 2025 ƀơi hơdôm boh ƀon lan tơnap tap, bơdjơ̆ nao kơtang mơng hơjan kơthel; mông jao pri ƀing djru mơnuih mơnam dêh čar thun 2024 hăng mông pơpŭ bơni 200 khul grup hơmâo bruă mă truh kih amăng tơring čar Lào Cai.

Laih dong, hơdôm khul grup amra pơtop hrăm bruă kơtưn wai lăng, git gai bruă gum djru. Amăng hrơi jơnum ngui, pơphun pơdă prưng hơdôm hơbô̆ bruă gum djru ba gru; hơdôm jơnum tui bruă phara. Tơdơi kơ mông pok pơphun, ƀing khua mua hơmâo mut hrŏm Jơnum ngui djru brơi tơlơi hơdip mơnuih mơnam; pơplih mrô amăng bruă gum djru; pơlir ngăn rơnoh, mơnuih gum djru; hơbô̆ bruă pơčeh phrâo amăng bruă djru mơnuih mơnam.