Ngă tui Tơlơi pơtrun pơsit 18, gah khul Ping gah, tơring čar Lâm Đồng hmâo hrŏ trun 54 akô̆ phun hăng hrŏ trun 145 čô khua git gai gưl tơring glông, gưl anom. Khul Kơnuk kơna ăt hrŏ trun mơn 113 bôh anom mă bruă, anom wai lăng hăng dưm kơnar hăng gưl tơring čar, hrŏ trun 11 bôh ƀirô mă bruă gưl tơring glông hăng 115 bôh anom mă bruă kơnuk kơna. Đơ đam tơring čar hmâo hrŏ trun rơbêh kơ 6.000 čô mơnuih mă bruă ƀong prăk kơnuk kơna.

Jơnum hmâo pioh laih lu mông črông sai, lăi pơthâo jơlan gah hăng hơdôm tơlơi gum pơhiăp kơ dưm dăp pioh kơ bruă Ping gah, glông bruă khul Ping gah, khul grŭp hăng khul gong gai. Pơhiăp klah čun jơnum, ơi Nguyễn Thái Học, Khua git gai Ping gah jăng jai tơring čar Lâm Đồng pơtŏng sit, pơ̆ anăp anai, tơring čar lăi pơthâo dong tơhnal ba tơbiă pioh pok pơhai bruă ngă giong hĭ, pơphun dưm dăp ngă hiưm hơpă khul mơnuih mă bruă mơ̆ng tơring čar rơbô̆t, pơphun mă yua, ba glăi bôh tơhnal./.