Pơhiăp amăng mông jơnum, Khua dêh čar lăi rơđah, Jơnum Kông ang đơ đam dêh čar thun anai hmâo bôh tŭ yua yôm phăn, jing gru pơđom pioh 80 thun pơjing, hrưn đĭ, kơjăp hăng pơđĭ kyar ư-ang mơ̆ng khul Kông ang mơnuih ƀôn sang.

Thun 2025 pơkă lăng hlâo lu tơlơi tơnap hloh, bruă jao ba tơbiă prong hloh, hrưn đĭ ngă truh kih hơdôm tơhnal pơkă pơgang rơnuk rơnua lŏn ia hăng bơwih ƀong mơnuih mơnam mơ̆ng sa rơwang bruă; laih anun dưm dăp rah bruă mă; pơphun truh kih jơnum ping gah hơdôm gưl anăp nao Jơnum Ping gah đơ đam dêh čar tal 14; pơphun hơdôm hrơi jơnum yôm phăn mơ̆ng lŏn ia; pơjing pran gơgrong, bŏng kơjăp pơplih rơnoh đĭ kyar kơ lŏn ia 2 mrô amăng thun 2025. Khua dêh čar lăi rơđah, Khul kông ang khom ngă hăng anăn pia lĕ: “Ba gru hlâo, ba jơlan hlâo, đĭ rơnoh, pơplih phrâo ngă tui hơdôm hơdră pơtrun mơ̆ng Ping gah, tơlơi phiăn Kơnuk kơna, pơjing khul Kông ang mơnuih ƀôn sang sit nik klă hiam, kơjăp kơtang, djơ̆ phiăn, hơdec hmar, tui rơnuk anai”./.