Jơnum min mơnuih ƀôn sang tơring čar Kon Tum rơkâo djop sang bruă, anom bruă, tơring glông tañ pok pơhai dăp hơdră brơi hơbôt sang bruă kơnuk kơna, anăp nao ƀiă mơnuih samơ̆ mă bruă tŭ yua. Rơđah biă mă ñu tơring čar Kon Tum djă pioh 5 boh gơnong bruă kah hăng : Gơnong bruă Tơlơi phiăn, Gơnong bruă Gru grua, Pơrơguăt drơi jăn hăng Tuai čuă ngui; Anom bruă pel ĕp bruă mă tơring čar; Ƀirô Jơnum min mơnuih ƀôn sang tơring čar hăng Gơnong bruă Pơtom hiăp hăng tač rơngiao. Hăng hơdôm gơnong bruă anai, kơnong dăp glăi aset hloh, lơ̆m sa boh gơnong bruă brơi pơhrŏ hĭ boh ƀiă 15%.

Tơring čar Kon Tum ngă tui pơmut hơdôm gơnong bruă Man pơphô hăng Tuh pơ lin, pơmut hrŏm Gơnong bruă Prăk kăk, amra jing Gơnong bruă Bơwih ƀong hăng Prăk kăk; pơmut hĭ Gơnong bruă wai lăng Jơlan glông Pơdŭ pơgiăng hăng Gơnong bruă Man pơdong him lăng či pơ anăm glăi Gơnong bruă Man pơdong hăng Jơlan glông; pơmut Gơnong bruă wai lăng kông ngăn lŏn mơnai hăng ayuh hyiăng hăng Gơnong bruă ngă hmua hăng pơđĭ kyar plơi pla, him lăng či pơ anăn phrâo Gơnong bruă Ngă hmua hăng Ayuh hyiăng; Pơmut Gơnong bruă Tơlơi pơhing hăng pôrpơthâo hăng Gơnong bruă Boh thâo ia rơgơi hăng tơlơi kơhnâo phrâo jing gơnong bruă phrâo hăng anăn Gơnong bruă Boh thâo, Ia rơgơi phrâo hăng Pôr pơhing; pơmut Gơnong bruă čar hăng gơnong bruă wai lăng bruă mă tơhan rơka hăng mơnuih mơnam hăng anăn phrâo lĕ Gơnong bruă čar hăng bruă mă. Laih dơ̆ng, djop gơnong bruă anai khom pơhrŏ boh ƀiă ñu 30% anom bruă hăng mrô mơnuih mă bruă sit laih pơmut hĭ jing sa.