Tơring glông Dă Huoai hơmâo akŏ pơjing hluai tui bruă pơmut 3 boh tơring glông gah dơnung amăng tơring čar Lâm Đồng, hơmâo Dă Huoai, Dă Teh, Cát Tiên. Amăng mông ngă lơphet, Khul pơphun lăi pơthâo tơlơi pơsit akŏ pơjing Ping gah tơring glông Dă Huoai. Laih dong, Khul apăn bruă Ping gah tơring čar Lâm Đồng pơsit Khul apăn bruă, Khul mă bruă phun, Khul git gai Ping gah, Kơ-iăng Khua git gai Ping gah tơring glông Dă Huoai rơwang thun 2020-2025. Ơi Nguyễn Quý Mỵ (Khua git gai Ping gah tơring glông Dă Huoai hơđăp) arăng ruah ngă Khu git gai Ping gah tơring glông Dă Huoai phrâo.

Đĭ pơhiăp amăng mông ngă lơphet, ơi Nguyễn Thái Học, pơ ala brơi Khua git gai Ping gah tơring čar Lâm Đồng pơsit tong, bruă pơmut hrŏm 3 boh tơring glông gah dơnung jing sa boh tơring glông phrâo lĕ bruă yôm phăn, ngă tui tơlơi črâo trun prong mơng gơnong glông hăng mơng tơring čar. Anai lĕ tơlơi gal kiăng hrưn đĭ kơtang, đing nao hơdôm ngăn rơnoh pơđĭ kyar bơwih ƀong huă-mơnuih mơnam, pơgôp ngă hơbot anih anom mă bruă, klă dong bruă mă, ba glăi tŭ yua bruă mă mơng gong gai ƀon lan amăng rơnuk phrâo.