Khua dêh čar Japan Ishiba hok mơ-ak čơkă Khua git gai pơ ala mơnuih ƀôn sang dêh čar ơi Trần Thanh Mẫn nao čuă sit nik dêh čar Japan, brơi thâo, ƀuh na nao giăm anai amăng hơdôm tal jơnum djop bơnah hơmâo mông bưp hăng Khua mir sir ơi Lương Cường hăng Khua dêh čar ơi Phạm Minh Chính, laih dong brơi thâo tơlơi rô nao rai dua bơnah glăk hiam klă hăng pơlir hơbit kjăp phik kơplah wah khua mua dua bơnah.

Khua git gai pơ ala mơnuih ƀôn sang dêh čar ơi Trần Thanh Mẫn rơkâo Japan tŏ tui djru Việt Nam amăng bruă pơplih tuh tia pơkra ming-pơplih phrâo lŏn ia, pơtrut, pok prong ngă hrŏm tuh pơ alin man pơkra anih anom, apui lơtrik hơdjă, apui lơtrik pơkra phrâo, ngă hmua klă hloh, pơplih mơtah, pơplih mrô, anom djă pioh, čip măi mok…hơdôm bruă mơ̆ Japan hơmâo lu tơlơi gal: Japan djru brơi Việt Nam mut hrŏm amăng bruă sĭ mơdrô gơnam pơtâo yua pơkra măi mok. Amăng mông bưp, dua bơnah tŭ ư kơtưn pơlir hơbit amăng pơtô mơnuih mă bruă hluai tui pơtrut ngă hrŏm amăng bruă mă, pơtô mơnuih mă bruă rơgơi, pơbưp nao rai mơnuih ƀôn sang.