Tơdơi kơ hmư̆ khua mua pơ ala mơnuih ƀôn sang dêh čar ƀơi Hưng Yên lăi pơthâo boh tơhnal tŭ yua amăng tal jơnum, lu mơnuih ƀôn sang ruah khua amăng plơi prong pơdah pran jua hok mơak mơ̆n gơnong dlông ping gah, khua mua pơ ala mơnuih ƀôn sang dêh čar, kơnuk kơna amra pơtrut tañ bruă dăp glăi anom bruă kơnuk kơna kiăng hơbôt hloh, mă bruă tŭ yua hloh amăng sang bruă ping gah, kơnuk kơna. Lăi pơtong, anai lĕ jơlan hơdră djơ̆ biă mă hăng tŭ ư hrŏm bruă mă pơblih phrâo, dăp glăi anom bruă kơnuk kơna kiăng mă bruă tŭ yua, lir hơbit hăng bruă pơhrŏ mrô mơnuih mă bruă sit nik, ăt pơhrŏ rơnoh prăk pơplai amăng kơnuk kơna mơ̆n, pơhrŏ ƀiă prăk apah amăng glông bruă kơđi čar mơ̆ng dêh čar truh pơ tơring čar, djru pơkom ƀiă prăk kơnuk kơna tuh pơ alin kơ bruă  bơwih brơi tơlơi hơdip mơda mơnuih mơnam dêh čar.

Tlam hrơi anun mơ̆n, ơi Tô Lâm Khua git gai ping gah nao čuă ơi Mai Văn Vĩnh, 73 thun, tơhan rơka rơkač truh 81% tơlơi ruă, sang anŏ hơmâo djru bruă hơkrŭ lŏn ia amăng să Liên Phương hăng sang anŏ yă Bùi Thị Kiêng, thun tơkeng 1940 dŏ ƀơi jơlan Bạch Đằng, phường Minh Khai, jing sang anŏ tơnap tap gir run hrưn đĭ amăng tơlơi hơdip mơda.