Amăng mông bưp, Khua git gai pơ ala mơnuih ƀôn sang dêh čar ơi Trần Thanh Mẫn đăo gơnang hrŏm hăng bruă ngă Khua git gai Ping gah Ngă bruă mơnuih ƀôn sang, Khua dêh čar Lawrence Wong amra git gai dêh čar Singapore hơmâo lu tơlơi dưi prong ƀiă dong amăng pơđĭ kyar bơwih ƀong huă-mơnuih mơnam, pok pơhai truh kih hơdôm jơlan hơdră bruă mă kơđŏm glăi anŏ yôm phara, yôm hloh lĕ jơlan hơdră “Singapore hrưn đĭ”, mơng anun hrưn đĭ kơdrưh ang mơng dêh čar Singapore amăng kual hăng jar kmar.

Lăng glăi bruă mă tơdơi kơ rơbêh 50 thun akŏ pơjing tơlơi rô nao rai pơtom hiăp hăng 10 thun akŏ pơjing tơlơi rô nao rai ngă hrŏm yôm, dua čô khua pơsit tong tơlơi rô nao rai Việt Nam-Singapore ƀu pơdơi pơđĭ kyar, ba glăi lu tơlơi kơđŏm glăi yôm phăn amăng djop mơta bruă; đăo gơnang kơđi čar hơmâo hơkrŭ hlua tui bruă tŏ tui boh than dưi ngă, pơphun pơlăi nao rai na nao, pơbưp khua mua; tŭ ư pơ anăp anai, dua bơnah amra tŏ tui gum hrŏm kjăp phik, tañ ba tơlơi rô nao rai dua bơnah prong kơtang ƀiă dong.