Hrŏm hăng hơdôm hră lăi pơthâo mơng Khul pơ ala mơnuih ƀôn sang tơring čar Kon Tum, djop anom bruă amăng Khul pơ ala mơnuih ƀôn sang, sang phat kơđi, anom bruă pơsir kơđi tơlơi, anom bruă ngă tui kơđi ƀing ngă soh tơring čar…Jơnum min mơnuih ƀôn sang tơring čar Kon Tum amra mơ-it nao 52 boh tơhnal yôm phun. Amăng anun, mơnuih ƀôn sang đing nao lu hloh lĕ hră lăi pơthâo tơlơi bơwih ƀong huă-mơnuih mơnam thun 2024.

Lu hơnong pơkă pơđĭ kyar bơwih ƀong huă-mơnuih mơnam amăng tơring čar aka ƀu djơ̆ hăng hơnong pơkă ba tơbiă, jao prăk tuh pơ alin man pơdong dŏ kaih; pơhrui ngăn drăp kơnuk kơna him lăng giăm 4.425 klai prăk, kơnong rơbêh 96% tơlơi tơlơi pơtrun mơng Khul pơ ala mơnuih ƀôn sang jao; mrô pơhrŏ trun ƀun rin, lŏn hmua pla phun boh troh aka ƀu djơ̆ mrô pơkă…hrŏm hăng anun mơnuih ƀôn sang tơring čar Kon Tum ăt đing nao boh than ngă tui bruă pơkrem, ƀu yua khưi khai; bruă wai lăng, mă yua kông ngăn dêh čar; boh than ngă tui bruă djuai ania.