Mơnuih ƀôn sang să Ka Đơn, tơring glông Đơn Dương pơdah pran jua tŭ ư hrŏm, đăo kơnang hăng pơsit yôm bôh tơhnal ngă tui bruă pơgang pơgăn hưp ƀong kông ngăn, biă ñu pran pơsit prong amăng ngă tui rơguăt bruă Ping gah hăng Kơnuk kơna.

Hrŏm hăng anun, mơnuih ƀôn sang rơkâo đĭ Grŭp Khua pơ ala mơnuih ƀôn sang dêh čar tơring čar Lâm Đồng lu tơlơi akă gal phrâo hmâo amăng ngă tui Tơlơi phiăn lŏn drŏn, Tơlơi phiăn Anom mă bruă hrŏm, bruă brơi apah, sĭ glăi, pơplih nua lŏn hăng hơdôm plah tơsiong. Tui hăng ơi Phan Đình Trạc, Khua Grŭp pơgang pơgăn hưp ƀong kông ngăn dêh čar, anai lĕ hơdôm tơlơi kiăng biă, bơdjơ̆ nao ƀơi anăp bruă ngă đang hmua hăng tơlơi hơdip mơnuih ƀôn sang, kiăng hmâo hơdôm gơnong bruă, hơdôm gưl đing nao pơsir. Amăng anun, hmâo tơlơi ngă soh amăng pơsir hră pơ-ar, ngă añơ añung mơnuih ƀôn sang, khom dưi pel ĕp ngă rơđah hăng pơsir tơpă./.