Pơhiăp amăng mông mă bruă, Khua mir sir dêh čar ta ơi Lương Cường rơkâo tơring čar, pơ̆ anăp anai, khom lăi pơthâo dơlăm tơhnal pơkă, pơsit jơlan gah hrưn đĭ truh thun 2030 ngă brơi Thanh Hóa jing “Tơring čar pơdrŏng asah klă hiam, thâo rơgơi hăng rơnuk anai; sa amăng hơdôm anih anom phun prong mơ̆ng kual Kơdư Tŏng Krah dêh čar hăng đơ đam dêh čar gah bruă măi mok apui yua hăng pơkra pơjing; gơnam đang hmua hmâo nua yôm; bơwih brơi logistics, tuai čuă ngui, pơtô pơhrăm, bruă ia jrao dơlăm; sa anih đĭ kyar phrâo hrŏm hăng Hà Nội, Hải Phòng hăng Quảng Ninh pơjing anih čơlah 4 pơđĭ kyar ƀơi Kơdư dêh čar”, truh thun 2045 lĕ “tơring čar pơđĭ kyar abih bang hăng ngă gru mơ̆ng đơ đam dêh čar”.

Hluai tui pran jua anun, Khua mir sir dêh čar ta rơkâo tơring čar khom bơwih brơi na nao bruă pơdŏng Ping gah, gong gai hăng glông bruă kơđi čar klă hiam, kơjăp kơtang, rơguăt, mă bruă tŭ yua, ba glăi bôh tơhnal./.