Khua git gai Ping gah dêh čar ta ơi Tô Lâm pơtŏng sit, Việt Nam lăng yôm tơlơi rô nao rai hăng Japan; lăng anai lĕ hơdôm tơlơi mơ̆ Gong gai Japan hăng JBIC đing nao ăt lĕ hơdôm tơlơi đing nao pơplih phrâo mơ̆ng Việt Nam pơ̆ anăp anai, amăng anun hmâo jơlan nao rai, apui yua, hơdră mă yua măi mok mrô.

Khua git gai Ping gah dêh čar ta ơi Tô Lâm bơni tơlơi pơčeh phrâo kual ASIA pơsir ayuh pơđoh sat pơwot glăi mrô 0 yua kơ Khua dêh čar hơđăp dêh čar Japan ơi Kishida Fumio ba tơbiă hăng glăk gir run ngă tui glông bruă anăp nao tơhnal pơkă thun 2050 mơ̆ Việt Nam hmâo pơkôl ƀơi COP26. Việt Nam amra gum hrŏm hăng Japan hăng hơdôm bôh dêh čar amăng hơdôm bruă phrâo lăi, rơkâo Japan hăng JBIC gum hrŏm dong hăng tơlơi pơđĭ kyar mơ̆ng Việt Nam, hrŏm hăng anun hơdai đing nao pơtrut tô jơlan nao rai kơplah wah hơdôm bôh dêh čar kual Đông Nam Á, Kual Mê Kông wot jơlan nao rai, apui yua, mrô djă pioh./.