VOV4.Jarai-Blah dưi ƀơi Ƀuôn Ma Thuôt lơ 10.03.1975 djă kơđŏm amăng hơdrôm hră gru phun gah ling tơhan dêh čar amăng bruă blah ngă pơgang lŏn ia, hăng boh tŭ yua yôm phara lĕ, pok jơlan blah dưi abih bang amăng kual Dơnung pơklaih rơngai lŏn ia hlong pơlir truh kih. Dơ̆ng mơ̆ng sa boh plơi prong anet, Ƀuôn Ma Thuôt ră anai ƀrư̆ jing plơi prong phrâo prong hloh anăp nao akŏ pơdong plơi prong mơtah mơda-hiam klă-thâo rơgơi-djă pioh gru grua hiam djuai ania laih anun jing ƀôn prong phun tong krah kual Dap Kơdư.

VOV4.Jarai - Tlam tom brơi (lơ 8/3), ƀơi Hà Nội, Grup čih pơkra Tơlơi pơtrun Jơnum ping gah tal 14 yua ơi Nguyễn Xuân Thắng, Ding kơna Ding jum kơđi čar, Khua Sang hră Kơđi čar gưl dêh čar Hồ Chí Minh, Khua khul tơlơi pơtô djơ̆ Ping gah, khua apăn bruă Grup čih pơkra, Khua grup dăp hră čih pơkra hră pơ-ar yôm Jơnum ping gah tal 14 ngă Khua ba jơlan, hơmâo ngă bruă hăng Anom bruă Bơwih ƀong Dêh čar.

VOV4.Jarai - Amăng bruă nao čuă sit nik dêh čar Australia, tlam tom brơi lơ 8/3, (tui mông dêh čar anai), ƀơi Canberra, Khua dêh čar ơi Phạm Minh Chính čơkă khua mua hơdôm Grup bơwih ƀong, anom bơwih ƀong prong hloh mơ̆ng Australia amăng bruă tuh pơ alin, pơkra anih anom, jơlan, sang dŏ; pơkra hơdăng pơtâo čuah; ba hyu gơnam ƀong huă...glăk kiăng ngă hrŏm, tuh pơ alin ƀơi Việt Nam.

VOV4.Jarai-Tlam lơ 8/3, Khua git gai pơ ala mơnuih ƀôn sang dêh čar ơi Vương Đình Huệ tŭ jum khua sang anih jưh pơ ala dêh čar Khač Hùng Ba ƀơi Ƀirô mă bruă kiăng pơčrông sai kơ tơlơi rô nao rai kơplah wah dua Ping gah, dua kơnuk kơna hăng anom bruă čih pơkra tơlơi phiăn dua bơnah.

VOV4.Jarai - Mơguah lơ 8/3 (tui mông dêh čar Australia), ƀơi plơi prong jưh jom Canberra, amăng hrơi nao čuă sit nik dêh čar Australia, Khua dêh čar Phạm Minh Chính nao čuă, mă bruă ƀơi grup kơsem min boh thâo ia rơgơi hăng tuh tia pơkra ming Khul pơdrong asah hrŏm (CSIRO).

VOV4.Jarai-Mơguah tom brơi, lơ 8/3, ƀơi ƀôn prong Hải Phòng, ƀut pơplông mơ̆ng 5 boh ƀôn prong gah dêh čar wai lăng hơmâo: Ƀôn prong Hồ Chí Minh, Hà Nội, Hải Phòng, Đà Nẵng, Cần Thơ, jơnum pơƀut bruă mă tui hră pơkôl pơplông thun 2023 laih anun kĭ glăi dơ̆ng bruă ngă tui tơlơi ƀuăn pơplông amăng thun 2024.

VOV4.Jarai - Tlam tom brơi (5/3) tui mông dêh čar, ƀơi plơi prong Melbuorne, Khua dêh čar Phạm Minh Chính nao hrŏm čơkă ƀing khua grup nao Jơnum bơkơtuai yua Khua dêh čar Australia Anthony Albanese git gai.

VOV4.Jarai-Anom bruă khul ling tơhan pơhrăm blah ngă, gah Sang bruă khua tơhan pơgang guai dêh čar tơring čar Dak Lak hnang blung anom bruă khul tơhan Đại đội 9 kông an mơnuih ƀôn sang blah ngă mơ̆ng tơring čar, dưi akŏ pơdong mơ̆ng lơ 30/07.1977. Bruă mă phun mơ̆ng anom bruă lĕ pơtô pơhrăm blah ngă kơ tơhan phrâo mut, pơtô ba ƀing tơhan tơguan ngă bruă sit či kiăng tơdah hơmâo tơlơi blah ngă. Abih rơwang thun giam mơkrah sa rơnuk thun, anom bruă anai ngă giong hiam klă na nao bruă jao, pơtô hrăm kơ tơhan phrâo mut thâo kơ hơdră blah ngă tŭ yua tui rơnoh jao mơ̆ng tơhan pơgang guai dêh čar tơring čar Dak Lak, Gia Lai, Kon Tum, Dak Nông, Khánh Hòa, Bình Định hăng Quảng Ngãi.

VOV4.Jarai-Jơnum min mơnuih ƀôn sang tơring čar Dak Lak pơphun jơnum pơkơtưn yôm phara čơkă hơdor glăi tal 120 thun akŏ pơdong tơring čar hăng pơphun bruă mă pơplông hơduah ĕp glăi gru phun 120 thun akŏ pơdong, pơđĭ kyar tơring čar Dak Lak.

VOV4.Jarai-Ƀrô hơdor glăi tal 114 thun hrơi Jar kmar pioh kơ phung đah kơmơi lơ 8/3, ƀơi anom bruă Kơnuk kơna dêh čar , ding kơna khul git gai ping gah, Kơ-iăng khua dêh čar, ơi Lê Minh Khái bưp ƀô̆ mơta hăng ƀing pơ ala brơi khul đah kơmơi thâo hră ba gru hlâo hăng jao pri anăn Kovalefskaia thun 2023.