Ƀơi mông jơnum kơ bruă tuh pơ alin tal anai, tơring čar Bến Tre hơmâo jak iâu 32 kơčăo bruă tuh pơ alin amăng djop bruă: tuh tia pơkra ming, man pơdong hăng sĭ mơdrô, čuk pơkra jơlan amăng kual plơi pla, anih anom ƀut sang măi pơkra ming, sĭ mơdrô ia săng, ia jâo, ayuh gaih, bruă tuai čuă ngui, bruă ngă hmua-kual plơi pla, ayuh hyiăng anih dŏ jum dar, man pơdong tơdrun kompan, man pơdong plơi prong, plơi pla amăng plơi prong. Pơhiăp amăng mông jơnum, Kơ-iăng khua dêh čar ơi Nguyễn Hòa Bình lăng yôm hơdôm tơlơi gir run mơ̆ng anom bruă ping gah, gong gai kơnuk kơna amăng tơring čar hrơi blan rơgao hơmâo pơhưč bruă tuh pơ alin.

Tui hăng anun, thun blan pơ anăp anai dơ̆ng, Bến Tre kiăng sem lăng tong ten tơlơi pơtrun, jơlan hơdră mơ̆ng Ping gah, tơlơi phiăn kơnuk kơna; lir hơbit hăng bruă ngă tui djop Hră pơtrun mơ̆ng gơnong dlông laih anun ping gah tơring čar; pơphun pok pơhai tŭ yua tui hnơ̆ng pơkă ƀơi tơring čar, ngă tui sa hnơ̆ng, djơ̆ găl hăng hnơ̆ng pơkă abih bang amăng dêh čar, pơkă hnơ̆ng kơ kual. Tơring tơrang, anom bruă. Pơtum đut tơhnal hăng mă yua tŭ yua hloh anŏ gêh găl pran jua mă bruă tuh pơ alin, pơđĭ kyar bơwih ƀong huă mơnuih mơnam.