VOV4.Jarai – Mơguah lơ 18/3, ƀơi ƀôn prong Hà Nội, Khua git gai wai lăng pơ ala mơnuih ƀôn sang dêh čar ta ơi Vương Đình Huệ git gai hăng pơhiăp pok phun mông tơña hăng lăi glăi tơlơi tơña amăng mông Jơnum tal 31 mơ̆ng Jơnum min apăn bruă Khua pơ ala mơnuih ƀôn sang kơ ƀut tơlơi gah prăk kak.

VOV4.Jarai – Thun 2004, tơring čar Dak Nông dưi pơdŏng glăi mơ̆ng 6 bôh tơring glông gah Dơnung tơring čar Dak Lak hơđăp. 20 thun tơdơi, Dak Nông tơtlaih laih mơ̆ng tơring čar ƀun rin. Truh kih anun hmâo hơdôm tơlơi gum mơ̆ng ƀing ping gah, tha plơi, mơnuih hmâo arăng đăo gơnang amăng djuai ania ƀiă, djru plơi pla hơđong bruă kơđi čar, pơđĭ kyar bơwih ƀong mơnuih mơnam. Tơring čar Dak Nông ăt hmâo laih hơdôm jơlan pơsir ngă tui dong bruă mơ̆ng mơnuih hmâo arăng đăo gơnang amăng kual djuai ania ƀiă, djru ngă tui pran kơtang gum hrŏm ngă tui tơhnal pơkă hrưn đĭ pơđĭ kyar jing tơring čar dưi dăi mơ̆ng kual Dap Kơdư.

VOV4.Jarai – Glăk amăng bơyan phang kơtang, ƀơi tơring čar Dak Nông hmâo laih 11 mơta tơlơi apui ƀong. Ƀơi anăp tơlơi amra apui ƀong glai prong, gơnong bruă pơgang glai klô hmâo kơtưn hơdôm bruă pơgang pơgăn apui ƀong glai.

VOV4.Jarai – Ơi Nguyễn Thái Học, Kơ-iăng Khua Grŭp mă bruă Ping gah dêh čar ta dưi hmâo Ding jum kơđi čar brơi nao ngă jăng jai Khua git gai Ping gah tơring čar Lâm Đồng.

VOV4.Jarai – Mơguah lơ 17/3, tơring čar Điện Biên pơphun Jơnum Lăi pơthâo kual pơkă tơring čar rơwang 2021-2030, tơhnal lăng truh thun 2050. Kơ-iăng Khua dêh čar ơi Trần Hồng Hà nao pơhmư̆ hăng pơhiăp črâo ba amăng mông Jơnum.

VOV4.Jarai – Khua dêh čar ta ơi Phạm Minh Chính hmâo git gai jơnum pơtlaih tơlơi tơnap, pơtrut pơđĭ kyar sang dô̆ mơnuih mơnam Jơnum dưi pơphun tui hơdră lăng nao rai mơ̆ng ataih, tô nao rai mơ̆ng anom mă bruă Gong gai dêh čar truh pơ̆ 63 bôh tơring čar, ƀôn prong amăng đơ đam dêh čar.

VOV4.Jarai- Tŏ tui jơlan hơdră jơnum lok 31, hrơi anai (18/3), jơnum min apăn bruă Khua pơ ala mơnuih ƀôn sang dêh čar pơphun tơña hăng lăi glăi. Khua ding jum prăk kak ơi Hồ Đức Phớc hăng Khua ding jum pơtom hiăp ơi Bùi Thanh Sơn amra lăi glăi tơlơi tơña 2 mơta bruă gah prăk kak hăng pơtom hiăp.

VOV4.Jarai-Amăng rơnuk blah wang kơdong ayăt Mi, sit biă ñu dong mơng thun 1967-1975 rôk tui jơlan Hồ Chí Minh găn nao tơring čar Kon Tum lĕ anih blah wang kơtang hloh kiăng kơdong glăi rơdêh por hăng ling tơhan ayăt Mi-Ngụy. Pă pluh thun tơdơi kơ hrơi pơklaih rơngai kual Dơnung, Kual kơdư-dơnung mut hrŏm, glông jơlan ayăt plĕ ƀom mĭn đưm hlâo adih hơmâo rŭ pơkra ming hăng hiam hruah, hơdôm boh plơi pla jao đăo gơnang nao tơlơi hơdip trơi pơđao, yâo mơ-ak.

VOV4.Jarai-Tom brơi,lơ 15/3, ƀơi Hà Nội, Khul pơgang tơlơi rơnuk rơnua, jơnum ngă lơphet hơdor glăi 70 thun hrơi blah dưi ƀơi Điện Biên Phủ hăng hơdôm tơlơi jơnum anet prong pơkŏn thun 2024 mơ̆ng Ding jum kông an kiăng pok pơhai ngă tui bruă pơgang rơnuk rơnua.

VOV4.Jarai – Ƀrô djơ̆ tal hơdor glăi 93 thun Hrơi pơdŏng Khul hlăk ai Cộng sản Hồ Chí Minh (26/3/1931-26/3/2024), Khua dêh čar ta ơi Phạm Minh Chính amra bưp ƀô̆ mơta hăng pơtom hiăp hăng hlăk ai.