Amăng mông bơkơtuai, Khua dêh čar ơi Phạm Minh Chính lăi rơđah tơhnal yôm phăn mơ̆ng bruă pơtrut kơtang gum hrŏm bơwih ƀong, phun akha mơ̆ng tơlơi rô nao rai dua bơnah, kơtưn pơlir bruă bơwih ƀong, gum hrŏm pơhlôm hơđong bơwih ƀong; Pơtrut rơnoh hơdôm rơwang bruă gum hrŏm yôm phăn; Pơkôl ngă gal brơi dong brơi rơbêh kơ 2.000 bôh anom bơwih ƀong Japan gum hrŏm tuh pơplai hăng sĭ mơdrô hơdai bơhmâo yua ƀơi Việt Nam.

Khua dêh čar ta rơkâo Japan lăng glăi brơi Việt Nam čan prăk ODA phrâo kơ hơdôm rơwang bruă pơlar anom mă yua, jơlan rơdêh treng plơi prong, jơlan rơdêh treng đuăi hmar. Khua dêh čar ăt ba tơbiă mơn pơhư prong bruă gum hrŏm amăng lu bruă phrâo kah hăng pơplih mrô, bôh thâo pơčeh phrâo; Ngă dơlăm hloh dong bruă gum hrŏm gah mơnuih mă bruă, pơtô pơhrăm brơi mơnuih mă bruă kơjăp; Pơtrut gum hrŏm gah tơring čar, ƀôn prong, bơkơtuai mơnuih ƀôn sang dua bôh dêh čar; Čang rơmang Japan hmâo dong hơdôm hơdră bruă pơsur, djru mơnuih Việt Nam ƀơi Japan./.